នៅល្ងាចថ្ងៃអង្គារ ១២រោច ខែផល្គុន ឆ្នាំរោង ឆស័កព.ស.២៥៦៨ ត្រូវនឹងថ្ងៃទី២៥ ខែមីនា ឆ្នាំ២០២៥ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ និងសហការី បានចូលរួមពិធីចុះកិច្ចសន្យាស្តីពី ការផលិតនិងផ្គត់ផ្គង់ផលិតផលម្រេចខ្មៅ រវាងសហគមន៍កសិកម្មទំនើបម្រេចមេមត់ត្បូងឃ្មុំ និងក្រុមហ៊ុនហ្វុកស៍(ខេមបូឌា) ឯ.ក ក្រោមអធិបតីភាពឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដែលមានអ្នកចូលរួមសរុប ២៨រូប ក្នុងស្រី ៥រូប។ ក្នុងកិច្ចសន្យា ភាគីទាំងពីរព្រៀមព្រៀងគ្នាទិញលក់ម្រេចខ្មៅក្នុងបរិមាណ ១០០តោន ដែលមានសមាជិកសហគមន៍ចូលរួម ៥៣នាក់ ក្នុងនោះម្រេចខ្មៅសុវត្ថិភាព
(GAP) ៣០តោន ក្នុងតម្លៃថេរ ៧ដុល្លារ/គ.ក្រ និងម្រេចខ្មៅធម្មតា ក្នុងតម្លៃប្រែប្រួលតាមទីផ្សារជាក់ស្តែង។ តាមកិច្ចសន្យា ក្រុមុន នឹងផ្តល់តម្លៃបន្ថែម ១៥០៛/គ.ក្រ។