ថ្ងៃទី៤ ខែមីនា ឆ្នាំ២០២៥ លោក ស៊ុន សារ៉ាត់  អនុប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តត្បូងឃ្មុំ បានដឹកនាំសមត្ថកិច្ចខណ្ឌរដ្ឋបាលជលផលត្បូងឃ្មុំ   ដោយមានការចូលរួមពីកម្លាំងវរៈសេនាតូចកាំភ្លើងធំយោធភូមិភាគ២ សហការជាមួយគណ:បញ្ជាការឯកភាពរដ្ឋបាលស្រុកក្រូចឆ្មារដឹកនាំដោយលោក ស៊ុំ រ៉ា អភិបាលរងស្រុកក្រូចឆ្មារ ដោយមានការចូលរួមពីក្រុមប្រឹក្សាឃុំស្វាយឃ្លាំង ក្រុមប្រឹក្សាឃុំទ្រា មន្ត្រីប៉ុស្តិ៍ នគរបាលឃុំស្វាយឃ្លាំង ប៉ុស្តិ៍នគរបាលឃុំទ្រា និងលោកភូមិពាក់ព័ន្ឌ បានចុះត្រួតពិនិត្យមើលទីតាំងគម្រោងស្នើសុំសាងសង់ទំនប់ស្ទាក់ទឹកចំនួន ២ទីតាំង ស្ថិត ដោយទទួលបានលទ្ធផលដូចខាងក្រោម៖
១-នៅទីតាំងស្នើសុំសាងសង់ទំនប់ស្ទាក់ទឹកបឹងព្រែកច្រវ៉ា ស្ថិតនៅភូមិទី២ ឃុំស្វាយឃ្លាំង ស្រុកក្រូចឆ្មារ ក្រុមការងារបានចុះពិនិត្យដល់ទីតាំងជាក់ស្តែងពីផលប៉ះពាល់ បានចុចយកចំនុចនិយាមកាដើម្បីតម្លើងផែនទីពិនិត្យបន្ថែម។ 
២-នៅទីតាំងស្នើសុំសាងសង់ទំនប់ស្ទាក់ទឹកបឹងវែង និងទំនប់ដំរីស្លាប់  ភូមិទ្រាទី៣ និងភូមិទ្រាទី៥ ឃុំទ្រា ស្រុកក្រូចឆ្មារ ក្រុមការងារបានចុះពិនិត្យដល់ទីតាំងជាក់ស្ដែង និងវាយតម្លៃពីផលប៉ះពាល់ព្រៃលិចទឹក និងបានចុចយកចំនុចនិយាមកាតម្លើងផែនទីបន្ថែម។