នារសៀលថ្ងៃអង្គារ ១៤កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានដឹកនាំមន្ត្រីជំនាញចុះជួបប្រជុំពិភាក្សា ពិនិត្យ និងតម្រង់ទិសលើរបៀបវារៈមហាសន្និបាតប្រចាំឆ្នាំរបស់សហគមន៍កសិកម្មរំេចកមានជ័យនៅភូមិសែនប្រពៃ ឃុំរំចេក ស្រុកមេមត់ ខេត្តត្បូងឃ្មុំ។ 
មហាសន្និបាតប្រចាំឆ្នាំរបស់សហគមន៍កសិកម្ម ជាអង្គសម្រេចចិត្តខ្ពស់បំផុតរបស់សហគមន៍ ដើម្បីពិនិត្យ ពិភាក្សា និងអនុម័ត ៖
១~លទ្ធផលសម្រេចបានធៀបឆ្នាំកន្លងមក ពិនិត្យបញ្ហាប្រឈម ការលំបាក ពិភាក្សាដោះស្រាយនិងដាក៎ចេញនូវផែនការសកម្មភាពការងារត្រូវអនុវត្តនៅឆ្នាំបន្ទាប់។
២~លើស្ថានភាពតម្លៃភាគហ៊ុន ការលើកទឹកបង្កើនការទិញភាគុន។
៣~ សំណើសុំបញ្ចប់សមាជិកភាព ការស្នើសុំចូលជាសមាជិកថ្មី។
៤~ផែនការបង្កើតមុខរបរ អាជីវកម្ម ផលិតកម្ម ក៏ត្រូវដាក់ជូនអង្គសន្និបាតពិនិត្យនិងអនុម័ត។
៥~ផែនការខ្ចីបុលសម្រាប់ពង្រីកគម្រោងអាជីវកម្ម ផលិតកម្ម។
៦~គម្រោងកិច្ចសន្យាផលិតកម្មកសិកម្ម។
៧~ផ្លាស់ប្តូរ បំពេញបន្ថែមសមាសភាពគណៈគ្រប់គ្រង។