នាថ្ងៃទី១៥ ខែមករា ឆ្នាំ២០២៥                                                                                                                     

លោក ង៉ែត សំបឿន អនុប្រធានការិយាល័យក្សេត្រសាស្ត្រ និងផលិតភាពកសិកម្ម និងជាមន្ត្រីក្សេត្រសាស្ត្រនៃគម្រោង បានសម្របសម្រួលទីប្រឹក្សាបច្ចេកទេសផ្នែកបណ្តុះបណ្តាល និងបង្ហាញនៃCS2 ចុះពិនិត្យតាមដាន និងណែនាំបច្ចេកទេសបន្ថែម ដល់កសិករសហការអនុវត្តបង្ហាញផលិតកម្មពូជដំឡូងមី ចំនួន ៧បង្ហាញ  និងដំណាំពោតក្រហម ពូជកម្ពុជា០១ (CHM01) ចំនួន ៣បង្ហាញ នៅឃុំគោកស្រុក ស្រុកតំបែរ ឃុំទួលស្នួល ឃុំជំនីក ស្រុកក្រូចឆ្មារ និងឃុំល្ងៀង ស្រុកត្បូងឃ្មុំ ដែលមានកសិករចូលរួម ចំនួន ១០រូប ក្នុងនោះស្រី ២រូប។