នាព្រឹកថ្ងៃទី១០ ខែធ្នូ ឆ្នាំ២០២៤ នៅសណ្ឋាគារ ភីអេនធី ផាលេស ត្បូងឃ្មុំ ក្រុមការងារយេនឌ័រនិងកុមារនៃក្រសួងកសិកម្ម រុក្ខាប្រមាញ់ និងនេសាទ បានបើកវគ្គបណ្តុះបណ្តាលស្តីពីចំណេះដឹងយេនឌ័រនិងផ្សព្វផ្សាយអនុសញ្ញាលុបបំបាត់រាល់ ទម្រង់នៃការរើសអើងប្រឆាំងនឹងស្ត្រីភេទ ក្រោមអធិបតីភាពដ៏ខ្ពង់ខ្ពស់លោកជំទាវ ហោ ម៉ាលីន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដែលមានសិក្ខាកាមចូលរួមជាមន្ត្រីរាជការមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំជាថ្នាក់ដឹកនាំនិងមន្ត្រីរាជការជាស្ត្រី មន្ត្រីកសិកម្មឃុំ ប្រធានក្រុមប្រឹក្សាភិបាលសហគមន៍កសិកម្ម និងកសិករឆ្នើមជាស្ត្រី សរុប ៥០រូប។