សូមដាក់អាងតាវ៉ាន់ ជាកន្លែងអភិរក្សត្រីមេពូជ ដើម្បីគោលដៅអេកូទេសចរណ៍ ហាមចាប់ត្រីក្នុងអាង
ព្រឹកថ្ងៃព្រហស្បតិ៍ ទី២៥ ខែកក្កដា ឆ្នាំ២០២៤ ឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំនិងឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានអញ្ជើញជាគណៈអធិបតីក្នុងពិធីលែងត្រី អបអរសាទរ ទិវាមច្ឆជាតិ ១កក្កដា ឆ្នាំ២០២៤នៅអាងតាវ៉ាន់ ភូមិត្រពាំងដុំ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ដោយមានការអញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងនៃគណៈអភិបាលខេត្ត កងកម្លាំងប្រដាប់អាវុធទាំងបីប្រភេទ អភិបាលស្រុក ប្រធានមន្ទីរ អង្គភាពជុំវិញខេត្ត ប្រជាពលរដ្ឋ និស្សិត យុវជន សិស្សានុសិស្សសរុប ៤៥០នាក់។