ការចងក្រងជាសហគមន៍កសិកម្ម នឹងចូលរួមចំណែកកាត់បន្ថយថ្លៃដើមផលិត និរន្តរភាពទីផ្សារ និងបង្កើនចំណូលកសិករជាសមាជិក
រសៀលថ្ងៃអង្គារ ទី២១ ខែឧសភា ឆ្នាំ២០២៤ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ និងជាប្រធានអង្គភាពអនុវត្តកម្មវិធីគាំទ្រសេដ្ឋកិច្ចជនបទនិងពាណិជ្ជកម្មកសិកម្ម(ASPIRE-AT)ខេត្តត្បូងឃ្មុំ បានដឹកនាំសម្របសម្រួលពិភាក្សាសេចក្តីព្រាងលក្ខន្តិកៈនិងបទបញ្ជាផ្ទៃក្នុងសហគមន៍កសិកម្មនៅឃុំទន្លេបីត ស្រុកត្បូងឃ្មុំ ដោយមានការចូលរួមពីលោកសមាជិកក្រុមប្រឹក្សាឃុំទន្លេបិទ លោកប្រធានការិយល័យកសិកម្ម ធនធានធម្មជាតិ និងបរិស្ថានស្រុកត្បូងឃ្មុំ លោកទីប្រឹក្សាកម្មវិធីប្រចាំខេត្តត្បូងឃ្មុំ លោកមេភូមិពាក់ព័ន្ធ និងប្រជាកសិករដាំដុះដំណាំពោត។