នាថ្ងៃទី៣១ ខែមករា ឆ្នាំ២០២៤
-លោក សន មិនា ប្រធានការិយាល័យគ្រឿងយន្តកសិកម្ម បានជួបប្រជុំពិភាក្សាលើបញ្ហាការប្រើប្រាស់ទឹកស្រោចស្រពបន្លែ ជាមួយសហគមន៍កសិកម្មល្ងៀងមានជ័យ នៅភូមិស្មោញ ឃុំល្ងៀង ស្រុកត្បូងឃ្មុំ មានអ្នកចូលរួម៩នាក់ ស្រី២នាក់។ និងមានការអញ្ជើញចូលរួមពីជំទប់ទីឃុំល្ងៀងផងដែរ។

តាមការរាយការណ៍ ពីលោក ណូត ធន់ ប្រធានក្រុមប្រឹក្សាសហគមន៍កសិកម្មល្ងៀងមានជ័យ បានឲ្យដឹងថា បន្ទាប់ពីទទួលប្រព័ន្ធស្រោចស្រពដំណាំបន្លែ ដែលសាងសង់ដោយនាយកដ្ឋានវិស្វកម្មកសិកម្ម រួចមក ហើយសមាជិកសហគមន៍ បានប្រើប្រាស់បានរយ:ពេលប្រហែលជាង១ឆ្នាំ  ដោយប្រើដំបូងមានគ្នាច្រើន ប្រហែល៣០នាក់ ហើយមកដល់បច្ចុប្បន្នអ្នកប្រើប្រាស់បានធ្លាក់ចុះសល់ត្រឹម៥នាក់ មូលហេតុដោយសារការចំណាយប្រើទឹកខ្ពស់ជាង ធៀបនិងការបូមទឹកដោយម៉ាស៊ីនខ្លួនឯង។

-ក្នុងនោះខ្ញុំក៏បានពន្យល់ណែនាំ ដល់អ្នកប្រើប្រាស់ទឹក ដូចជា៖

១-សូមចូលរួមប្រើប្រាស់ឲ្យបានច្រើនគ្នា ដើម្បីកាត់បន្ថយការចំណាយថ្លៃភ្លើងអគ្គិសនីបូមទឹក 
២-ប្រើប្រាស់វិធីសន្សំសំចៃទឹកតាមរយៈការស្រេចស្រពប្រើទុយោតំណក់
៣-សូមប្រើប្រាស់ទឹក កុំបើកចោល ខ្ជះខ្ជាយដែលធ្វើឲ្យចំណាយច្រើន។
-បន្ទាប់មកសមាជិកសហគមន៍ដែលប្រើប្រាស់ទឹក លើកឡើងថា គាត់បានសាកល្បងប្រើប្រាស់ទុយោតំណក់រួចហើយ តែការចំណាយនៅតែខ្ពស់ដដែល មិនអាចទទួលយកបានឡើយ បើប្រៀបធៀបទៅនិងការបូមទឹកដោយម៉ាស៊ីនខ្លួនគាត់។ ហើយអ្នកប្រើប្រាស់ទឹកទាំងអស់ សម្រេចចិត្តបិទស្ថានីយបូមទឹកឈប់ប្រើមួយរយៈខ្លីសិន។

*សហគមន៍បានសំណូមពរ
១-សូមជួយបញ្ចុះថ្លៃភ្លើងអគ្គិសនីសម្រាប់បូមទឹក
២-សូមជួយដាក់ប្រព័ន្ធសូឡាបូមទឹកជំនួសវិញ ដែលធ្វើឲ្យការចំណាយតិច អ្នកដាំបន្លែអាចចំនេញបាន។