នាថ្ងៃទី៣០ ខែមករា ឆ្នាំ២០២៤
លោកស៊ុន សារ៉ាត់ អនុប្រធានមន្ទីរកសិកម្មខេត្តត្បូងឃ្មុំ បានដឹកនាំសហការី ចូលរួមជាភ្ញៀវកិត្តិយសក្នុងកម្មវិធី ”មហាសន្និបាតប្រចាំឆ្នាំ២០២៣ របស់សហគមន៍កសិកម្មពពេលមានជ័យ” នៅភូមិទួលចាន់ ឃុំពពេល ស្រុកពញាក្រែក ខេត្តត្បូងឃ្មុំ។ ដោយមានការអញ្ជើញចូលរួមពី លោកស្រី លី ស៊ីថុល អភិបាលរងនៃគណអភិបាលស្រុកពញាក្រែក លោកធី សុធា មន្ត្រីការិយាល័យកសិកម្មធនធានធម្មជាតិ និងបរិស្ថាន លោកជំទប់ឃុំ ព្រមទាំងថ្នាក់ដឹកនាំ និងសមាជិកសហគមន៍កសិកម្មកសិករតំបែរ សរុបអ្នកចូលរួមចំនួន៧១នាក់ ក្នុងនោះស្រី៤២នាក់។