នាថ្ងៃទី១២ ខែមករា ឆ្នាំ២០២៤
-លោក ង៉ែត សំបឿន អនុប្រធានការិយាល័យក្សេត្រសាស្ត្រ និងផលិតភាពកសិកម្ម                                                     

 -លោក សោម ឧត្តម មន្ត្រីការិយាល័យក្សេត្រសាស្ត្រ និងផលិតភាពកសិកម្មបានសហការជាមួយ៖
-លោក ស៊ុ រ៉ា ប្រធានការិយាល័យកសិកម្ម ធនធានធម្មជាតិ និងបរិស្ថាន និងសហការី ក្រុមប្រឹក្សាឃុំ មេភូមិ នៅភូមិទី១ ឃុំព្រែកអាជី ស្រុកក្រូចឆ្មារ  ដោយមានអ្នកកសិករចូលរួម ៧នាក់ ក្នុងនោះស្រី ៥នាក់។                                     

បានចុះពិនិត្យស្ថានភាពណែនាំបច្ចេកទេសប្រើប្រាស់ថ្នាំកសិកម្ម សម្រាប់កម្ចាត់ដង្កូវយោលទោង លើដំណាំស្ពៃក្តោបដែលទទួលបានលទ្ធដូចខាងក្រោម៖                                                                                                                                                                                   

 -បានស្រង់ឈ្មោះកសិករដែលដាំដុះដំណាំស្ពៃក្តោប មាន ១៥គ្រួសារ លើផ្ទៃដី ៤,១០ហិកតា                                                                                                                                 

 -បានចុះពិនិត្យដល់ចម្ការកសិករមានការបំផ្លាញពីដង្កូវយោងទោងពិតប្រាកដមែន បានសាកសួរកសិករឈ្មោះ ម៉ូត រដ្ឋា បានរៀបរាប់ថា គាត់ដាំស្ពៃក្តោបលើផ្ទៃដី ២០អារ មានអាយុកាល ៤០ថ្ងៃ បន្ទាប់ពីដាំ ដោយធ្វើការបាញ់ថ្នាំកសិកម្មបាន ៧លើក។ ដង្កូវយោលទោងមានការបំផ្លាញខ្លាំង រយៈពេល១២ ថ្ងៃមុន ដោយធ្វើការបាញ់ថ្នាំ៤ថ្ងៃម្តង ដោយប្រើថ្នាំ ៣ប្រភេទបញ្ចូលគ្នា លាយជាមួយជីបំប៉ន ១ប្រភេទទៀត ក្នុងការបាញ់១លើក ដោយចំណាយថវិកាអស់ ១២០ ០០០រៀល/លើក។                                                             

-បានណែនាំបច្ចេកទេសប្រើថ្នាំកសិកម្មសម្រាបកម្ចាត់ដង្កូវយោលទោងដែលមានធាតុសកម្ម Fipronil, Emamectin Benzoate, Acephate, Abamectin ដោយបាញ់១លើក តែ ១ប្រភេទ និងមិនត្រូវប្រើប្រាស់ជីបំប៉នលាយជាមួយថ្នាំសម្លាប់សត្វល្អិតទេ និងដោយបាញ់នៅពេលល្ងាច និងឈប់បាញ់ថ្នាំរយៈពេល ១០-១៥ថ្ងៃមុនពេលប្រមូលផល។
-សម្រាប់ដាំដុះរដូវក្រោយទៀត កសិករធ្វើការរៀបចំដីឲ្យបានត្រឹមត្រូវ ប្រើប្រាស់អន្ទាក់ពណ៌លឿង ដាំដំណាំអន្ទាត់ការពារ ដូចជាពោត គល់ស្លឹកគ្រៃ ដើមស្បៃរឿង ឲ្យបានមុនដាំដុះស្ពៃក្តោប ១៥-២០ថ្ងៃ ធ្វើការសម្អាតចម្ការឲ្យបានស្អាត។