ព្រឹកថ្ងៃព្រហស្បត៍ ទី១៦ ខែវិច្ឆិកា ឆ្នាំ២០២៣ ឯកឧត្តម ម៉ៅ រិទ្ធីថា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចុះពិនិត្យស្ថានភាពនៃការគ្រប់គ្រងរបស់សហគមន៍នេសាទបឹងក្រពិត នៅស្រុកអូររាំងឪ។
តាមការរៀបរាប់ពីលោកប្រធានសហគមន៍នេសាទ បានឲ្យដឹងថា សហគមន៍គ្រប់គ្រងលើដែននេសាទបឹងកហរពិតទាំងមូលដែលមានទំហំប្រមាណជាង ៣ ០០០ហិកតា មានភីមិពាក់ព័ន្ធ ៦ ក្នុង ៣ឃុំ។ បច្ចុប្បន្នសហគមន័បានកសាងស្នាក់ការបានត្រឹមត្រូវ បានរៀបចំកន្លែងអភិរកហសសហគមន៍ មួយកន្លែងទំហំ ៦ហិកតា។ ពិនិត្យជារួមដោយមានការគាំទ្រពីមន្ឋីរកសិកម្ម ដែលមានខណ្ឌរដ្ឋបាលជលផលជាសេនាធិការ គាំទ្រពីដ្ឋបាលស្រុកអូររាំងឪ រដ្ឋបាលឃុំមៀន និងអង្គភាពពាក់ព័ន្ធ បទល្មើសជលផលមានការថយចុះគួរឲ្យកត់សម្គាល់។ ទន្ទឹមនេះ សហគមន៍ក៏ជួបការលំបាកដូចជាខ្វះកាណូត ប្រេងឥន្ធនៈ សម្រាប់ល្បាត។
ឯកឧត្តម បានសំដែងនូវការកោតសរសើរដែលបានរៀបចំទីកន្លែងបានល្អ ត្រឹមត្រូវ ហើយបទល្មើសជលផលមានការថយចុះ តែក៏សុំបន្តអនុវត្តការល្បាត ស្រាវជ្រាវ ទប់ស្កាត់ បង្ក្រាបឲ្យដូចភ្លៀងរលឹម ដើម្បីឲ្យធនធានមច្ឆជាតិរបស់យើងកើនឡើង។ សហគមន៍ ត្រូវរៀបចំការចិញ្ចឹមត្រី ចិញ្ចឹមសត្វ កែប្រែតំបន់នេះឲ្យក្លាយជាតំបន់ទេសចរណ៍ធម្មជាតិ ដើម្បីជាប្រភពចំណូលរបស់សហគមន៍។