ស្រូវពូជសុទ្ធល្អ នឹងទទួលបានទិន្នផលខ្ពស់និងគ្រាប់ស្រូវសុទ្ធល្អ ដែលមានតម្លៃលើទីផ្សារខ្ពស់ 
ព្រឹកថ្ងៃទី៩ ខែវិច្ឆិកា ឆ្នាំ២០២៣ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ និងជាប្រធានអអ្គភាពអនុវត្តគំរោងខ្សែច្រវាក់ផលិតកម្មដោយភាតរបរិស្ថាននៃក្រសួងកសិកម្ម រុក្ខាប្រមាញ់ និងនេសាទ បានដឹកនាំសហការីចុះពិនិត្យស្រែបង្ហាញរបស់កសិករចំនួន ២បង្ហាញ គឺរបស់កសិករឈ្មោះ គុយ គន់ បង្ហាញលើផ្ទៃដី ៤ ០០០ម៉ែត្រការ៉េនិងកសិករ ហ៊ុល ស៊ីណាង បង្ហាញលើផ្ទៃដី ៤ ០០០ម៉ែត្រការ៉េ នៅភូមិកំពូលសេរី ឃុំមៀន ស្រុកអូររាំងឪ ខេត្តត្បូងឃ្មុំ ដែលអនុវត្តបង្ហាញពូជស្រូវផ្ការំដួល គាំទ្រដោយគម្រោងខ្សែច្រវាក់ផលិតកម្មដោយ ភាតរៈបរិស្ថាន (CFAVC) នៃក្រសួងកសិកម្ម រុក្ខាប្រមាញ់ និងនេសាទ។
ដោយពិនិត្យឃើញថា ស្រូវបង្ហាញទាំង២ស្ថិតក្នុងដំណាក់កាលដាក់ទឹកដោះនិងដំណាក់កាលដាក់ម្សៅ
លោកប្រធានមន្ទីរ បានមានប្រសាសន៍ណែនាំមួយចំនួនដល់កសិករ ៖                                                                                                                                               
-ត្រូវបន្តពិនិត្យតាមដានរកពូជលាយ ហើយកាត់ពូជលាយនោះចេញ ដើម្បីធានាបាននូវពូជដែលសុទ្ធល្អ
-ត្រូវពិនិត្យតាមដាន បើស្រូវនៅក្នុងកួរ ៨៥ភាគរយមានពណ៌ដូចចំបើង នោះទើបអាចប្រមូលផលដោយប្រុងប្រយ័ត្ន
-ត្រូវយកចិត្តទុកដាក់ក្នុងអំឡុងពេលប្រមូលផលនិងក្រោយពេលប្រមូលផលស្រូវ ដើម្បីប្រើគញរប់មធ្យោបាយ រក្សាភាពសុទ្ធនៃគ្រាប់ពូជ
-មន្ត្រីជំនាញ ត្រូវរៀបចំទិវាបង្ហាញ ដើម្បីផ្សព្វផ្សាយដល់កសិករនិងអ្នកពាក់ព័ន្ធ ដើម្បីជំរុញការអនុវត្តបង្គុំបច្ចេកទេសកសិកម្មនិងប្រើប្រាស់ពូជសុទ្ធ ដើម្បីទទួលបានស្រូវមានទិន្នផលខ្ពស់ កាត់បន្ថយចំណាយ និងទទួលបានស្រូវមានភាពសុទ្ធល្អ ឆ្លើយតបតម្រូវការរបស់ទីផ្សារ។