នៅព្រឹកថ្ងៃទី២៧ ខែកញ្ញា ឆ្នាំ២០២៣
មន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានរៀបចំសម្របសម្រួលពិធីចុះហត្ថលេខាលេីការទិញលក់ដំឡូងមីស្រស់រវាងសហគមន៍កសិកម្មកសិករតំបែរនិងសាយឡូប្រមូលទិញដំឡូងមីស្រស់ ហេង លាភ នៅឃុំពពេល ស្រុកពញាក្រែក ខេត្តត្បូងឃ្មុំ ក្រោមអធិបតីភាពលោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ ដោយមានការអញ្ជេីញចូលរួមលោកស្រី យេ វណ្ឌី អភិបាលរងស្រុកតំបែរ លោកអនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ លោកជំទប់ទី១ឃុំទឹកជ្រៅ លោក លោកស្រីប្រធានការិយាល័យ ប្រធានក្រុមបឹក្សាភិបាលសហគមន៍ សមាជិកសហគមន៍កសិកម្ម និងម្ចាស់សៃឡូ សរុបចំនួន ៥៣នាក់ ក្នុងនោះស្រី ៩នាក់។
បន្ទាប់ពីគូភាគីទាំងពីរ បង្ហាញពីគោលបំណងនៃការចុះកិច្ចសន្យា ភាគីទាំងពីឬ បានចុះកិច្ចសន្យានៅចំពោះមុខគណៈអធិបតីនិងសមាជិក សមាជិកាសហគមន៍កសិកម្ម។ បន្ទាប់មកអង្គពិធីបានដំណើរការផ្តល់មតិសំណេះសំណាលនិងផ្តាំផ្ញេីដល់ភាគីទាំងពី ដូចតទៅ ៖
-ភាគីទាំងពីរ ត្រូវស្មោះត្រង់នឹងគ្នាក្នុងការចាប់ដៃគូអាជីវកម្មនេះ ដោយត្រូវអនុវត្តឲ្យបានល្អតាមខ្លឹមសារនៃប្រការទាំងឡាយក្នុងកិច្ចសន្យា
-ភាគីទាំងពីរ ត្រូវទទួលខុលត្រូវចំពោះមុខ្បាប់ជាធរមាន
-ភាគីទាំងពីរ ត្រូវឧស្សាហ៍ជួបពិភាក្សាគ្នា ដោះស្រាយបញ្ហាដែលកើតមានក្នុងអំឡុងពេលអនុវត្តកិច្ចសន្យា
-ភាគីទាំងពីរ ត្រូវពិគ្រោះគ្នា ករណីមានការចង់កែតម្រូវចំណុចណាមួយនៃកិច្ចសន្យា
-សមាជិក សមាជិកា សហគមន៍ដែលចូលរួមក្នុងការលក់ ទិញនេះ ត្រូវចូលរួមឲ្យពេញលេញដើម្បីការអនុវត្តកិច្ចសន្យាបានជោគជ័យ។
