ការជ្រើសរើសដើមពូជដំឡូងមី

ជាកត្តាមួយយ៉ាងសំខាន់ក្នុងចំណោមកត្តាផ្សេងៗទៀតក្នុងការដំាដុះដំណាំ អាចជួយបង្កើនផលិតភាព និងគុណភាពដំណាំឲ្យការតែល្អប្រសើរ។

ការប្រើប្រាស់ពូជមានគុណភាពល្អ ដំណាំមានការលូតលាស់ល្អស្មើគ្នា ធន់ទៅនឹងការបំផ្លាញពីសត្វល្អិតចង្រៃ ជំងឺ ការប្រែប្រួលអាកាសធាតុ កាត់បន្ថយការប្រើប្រាស់ដើមពូជ មានមើមធំៗ ទិន្នផលខ្ពស់ ហើយកម្រិតជាតិម្សៅ(DC)ក៏ខ្ពស់។

ដូចនេះ កសិករដែលតែងរក្សាទុកដើមពូជដោយខ្លួនឯងពីក្នុងចម្ការ គប្បីជ្រើសរើសដើមពូជដំឡូងមី តាមរបៀបដូចតទៅ ៖ -កសិករគប្បីចុះចម្ការដំឡូងមី ពិនិត្យមើលនិងជ្រើសរើសដើមដំឡូងមីដែលមានសុខភាពល្អ មិនមានការបំផ្លាញពីជំងឺ និងសត្វល្អិតចង្រៃ ហើយប្រើខ្សែចងសម្គាល់តាមដើមនីមួយៗជាចំណាំ

-ដើមដំឡូងមីត្រូវទុកពូជ ត្រូវកាប់ឲ្យបានមុនការប្រមូលផលយកមើម ពី១-៧ថ្ងៃ។

-ដើមពូជដំឡូងមី ត្រូវកាប់យកមករក្សាទុក ដោយជមដើមពូជពី ២០០ដើមទៅ៣០០ដើម/ជម រួចទុកដាក់ក្បែរដើមឈើ ដើម្បីកាត់បន្ថយការបំភាយទឹកពីក្នុងដើមពូជដំឡូងមី និងធានាថាមានខ្យល់ចេញចូលគ្រប់គ្រាន់។ ជមដើមពូជ ត្រូវរក្សាទុកនៅឆ្ងាយពីទីតាំងចម្ការនិងកន្លែងដីមានសំណើមខ្ពស់ ព្រមទាំងរុំគ្របគល់ដើមពូជដំឡូងមីឲ្យបានល្អ ដោយប្រើស្លឹកឈើ ចំបើង ឬ គល់ជញ្ជាំង។

ស្រាវជ្រាវនិងរៀបចំចងក្រងដោយលោក ង៉ែត សំបឿន អនុប្រធានការិយាល័យក្សេត្រសាស្ត្រនិងផលិតភាពកសិកម្មខេត្តត្បូងឃ្មុំ ទូរសព្ទលេខ ០៨៨ ៥៣ ៥១ ៣៣៣/088 53 51 333