ព្រឹកថ្ងៃសៅរ៍ ១០រោច ខែមាឃ ឆ្នាំឆ្លូវ ត្រីស័ក ព.ស២៥៦៥ ត្រូវថ្ងៃទី២៦ ខែកុម្ភៈ ឆ្នាំ២០២២
សម្តេចតេជោ ហ៊ុន សែន បានយកចិត្តទុកដាក់ផ្តោតសំខាន់ទៅលើសុខភាពរបស់ប្រជាពលរដ្ឋ ជាពិសេសក្នុងវិបត្តិនៃការរាលដាលជំងឺកូវីដ ១៩ តាមរយៈការស្វែងរកវ៉ាក់សាំងចាក់ជូនប្រជាពលរដ្ឋការពារជំងឺកូវីដ ១៩ មានទាំងការទិញដោយប្រើប្រាស់ថវិកាជាតិនិងប្រាក់សម្បុរសជន ទាំងការទទួលជំនួយ ដែលការចាក់វ៉ាក់សាំងជូនប្រជាពលរដ្ឋមកដល់ពេលនេះ ខ្លះបានដល់ដូសទី ៤ទៅហើយ ហើយកុមារចាប់ពីអាយុ ៣ឆ្នាំ ក៏ទទួលបានការចាក់ដែរ។ វ៉ាក់សាំងដែលចាក់នោះ នឹងបង្កើតភាពស៊ាំ ធន់ទៅនឹងការឆ្លងនិងការវិវឌ្ឍន៍ទៅរកភាពធ្ងន់ធ្ងរចំពោះអ្នកកើតជំងឺ។
ប្រសាសន៍ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ប្រធានក្រុមការងាររាជរដ្ឋាភិបាល ចុះមូលដ្ឋានស្រុកតំបែរ ខេត្តត្បូងឃ្មុំនិងស្រុកកំពង់សៀម ស្រុកជើងព្រៃ ខេត្តកំពង់ចាម ក្នុងពិធីសម្ពោធដាក់ឲ្យប្រើប្រាស់ឧបដ្ឋានសាលានិងសមិទ្ធផលនានាក្នុងវត្តគីរីវង្ស ហៅវត្តស្រែវែង ស្ថិតនៅភូមិស្រែវែង ឃុំទឹកជ្រៅ ស្រុកតំបែរ ខេត្តត្បូងឃ្មុំ ។
