សូមជម្រាបថា កម្មវិធីផ្សព្វផ្សាយបច្ចេកទេសកសិកម្មថ្មី ដែលធន់ទៅនឹងការប្រែប្រួលអាកាសធាតុរបស់រាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ ដែលចុះអនុវត្តផ្ទាល់ដោយមន្ទីរកសិកម្ម រុក្ខាប្រមាញ់ និងនេសាទ ខេត្តត្បូងឃ្មុំ បានសម្របសម្រួលរៀបចំបណ្តុំអាជីវកម្មក្រូចថ្លុងកោះពីរឡើង ក្នុងគោលបំណងប្រមូលផ្តុំសក្តានុពលផលិតកម្មទាំងបរិមាណ គុណភាព សុវត្ថិភាព និងឧត្តមភាពក្រូចថ្លុង ដើម្បីពង្រីកទំហំទីផ្សារនិងលើកកម្ពស់តម្លៃក្រូចថ្លុង បង្កើនប្រាក់ចំណូលរបស់គ្រួសារកសិករ។ តាមរយៈគម្រោងនេះ សមាជិកបណ្តុំ នឹងទទួលបានទុនសហវិនិយោគជាសម្ភារៈសម្រាប់រៀបចំតាក់តែងមែក ដើមក្រូចថ្លុង ទប់ស្កាត់ការឆ្លងរាលដាលជំងឺ សត្វល្អិតបំផ្លាញ និងទទួលបានផ្លែក្រូចថ្លុងដែលមានស្តង់ដារពិតប្រាកដមួយ។ កសិករជាសមាជិកបណ្តុំ នឹងទទួលបាន រណារអារដើម ១ កន្ត្រៃកាត់មែកខ្នាតធំ ១ និងកន្ត្រៃកាត់មែកខ្នាតតូច ១។

ក្នុងឱកាដនោះមន្ត្រីជំនាញបានបង្ហាញពីរបៀបតាក់តែងជូនដល់សមាជិកបណ្តុំបានយល់ផងដែរ។