រសៀលថ្ងៃព្រហស្បតិ៍ ១០កើត ខែភទ្របទ ឆ្នាំឆ្លូវ ត្រីស័កព.ស.២៥៦៥ ត្រូវនឹងថ្ងៃទី១៦ ខែកញ្ញា ឆ្នាំ២០២១ លោក ហេង ពិសិដ្ឋ ប្រធានមន្ទីរ កសិកម្ម រុក្ខាប្រមាញ់ និងនេសាទខេត្តត្បូងឃ្មុំ និងសហការី ដោយមាន កិច្ចសហការពីការិយាល័យកសិកម្ម ធនធានធម្មជាតិ និងបរិស្ថានស្រុក មេមត់ និងអាជ្ញាធរមូលដ្ឋាន ក្នុងការអនុវត្តគម្រោងបែងចែកដីដើម្បី សង្គមកិច្ច និងការអភិវឌ្ឍសេដ្ឋកិច្ច ជំហាន២ (LASED II) បានប្រគល់ សម្ភារចិញ្ចឹមមាន់និងពូជមាន់ដល់សម្បទានិកចំនួន ៥គ្រួសារ នៅភូមិ ស្រែលើសែនជ័យ ឃុំជាំក្រវៀន ស្រុកមេមត់ ខេត្តត្បូងឃ្មុំ សម្រាប់ចិញ្ចឹម បង្ហាញពីបច្ចេកទេសផង រកប្រាក់ចំណូលផង និងអាហាររូបត្ថម្ភផង ដោយ ១គ្រួសារ ទទួលបានចំណីមាន់ចំនួន ១បាវ កូនមាន់ ១០០ក្បាល ស្នូកទឹក ២ ស្នូកចំណី ២ និង៤គ្រួសារ ទៀតទទួលបានមាន់មេបាចំនួន ២០ក្បាល ស្នូកទឹក២ ស្នូកចំណី២ ក្នុងមួយគ្រួសារ។ ក្នុងនោះផងដែរ គ្រួសារនីមួយៗ ទទួលបានទុនបដិភាគបន្ថែមទៀត សម្រាប់ការសាង សង់ទ្រុង ដូចជាស័ង្កសីនិងឈើជាដើម។ ទាំងអស់នេះ ជាដើមទុនដំបូង របស់សម្បទានិក សម្រាប់យកទៅពង្រឹងនិងពង្រីកទំហំផលិតកម្មបន្ថែម ទៀតទៅថ្ងៃមុខ ។