សម្បទានិក ក្នុងភូមិស្រែលើសែនជ័យ បានទទួលស្គាល់ពីអត្ថប្រយោជន៍នៃការដាំដុះ ចិញ្ចឹមសត្វ ដែលផ្តល់ចំណូលក្នុងរយៈពេលខ្លី
ក្នុងការអនុវត្តគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ជំហាន២ (LASED II)​
កាលពីព្រឹកថ្ងៃទី១០ ខែធ្នូ ឆ្នាំ២០២០ លោក ហន អឿន អនុប្រធាន​ការិយាល័យ​រដ្ឋបាល បុគ្គលិក និងជាមន្រ្តីអនុវត្តគម្រោង បានចុះជ្រើសរើស រៀបចំកសិករធ្វើបង្ហាញបច្ចេកទសផលិតកម្មបន្លែចំនួន ៦គ្រួសារ ស្មើនឹង ៦បង្ហាញ នៅភូមិស្រែលើសែនជូយ ឃុំជាំក្រវៀន ស្រុកមេមត់ ដែលជាសម្បទានិក។​
បន្ទាប់មក មន្ត្រីជំនាញ បានចុះតាមដានត្រួតពិនិត្យការដាំដុះដំណាំស្ពៃចង្កឹះនិងស្ពៃខៀវ របស់កសិករ ខូយ នឿន ដំណាំស្ពៃក្រញាញ់ ស្ពៃចង្កឹះ និងត្រសក់ចំណារ របស់កសិករ ស៊ុន រុន​ ដំណាំស្ពៃក្រញាញ់​ក្នុងផ្ទះសំណាញ់ខ្នាតតូច របស់កសិករ គាន ដន និងដំណាំត្រប់  របស់កសិករ​យន់ ឌុក  ដែលជាសម្បទានិក នៅភូមិស្រែលើសែនជ័យ ឃុំជាំក្រវៀន ស្រុកមេមត់។ ដំណាំទាំងអស់នេះកំពុងលូតលាស់ល្អ និងប្រមូលផលជាបណ្ដើៗដោយលក់ក្នុងតម្លៃ ៤ ០០០៛-៥ ០០០៛  ក្នុងមួយគីឡូក្រាម។ 
ជាមួយគ្នានេះដែរ មន្ត្រីជំនាញ​បានពិនិត្យការចិញ្ចឹមមាន់ស្រែភ្ញាស់យកកូន របស់កសិករ ឆន ង៉ាក់ ដែលគាត់បានលក់កូនមាន់ជូនគម្រោងចំនួន ១០០ក្បាល សម្រាប់ផ្ដល់ជូនសម្បាទានិកចំនួន ២គ្រួសារ។ 
មិនភ្លេចទេ មន្ត្រីជំនាញ​នៅតែបន្តក្រើនរំឮកនិងណែនាំបច្ចេកទេសបន្ថែមទៀតដល់សម្បទានិកដែលបានដាំបន្លែនិងចិញ្ចឹមសត្វ ព្រោះជាប្រភពចំណូលគ្រួសារ ជាពិសេសក្នុងវិបត្តិកូវីដ ១៩នេះតែម្តង។