នៅរសៀលថ្ងៃចន្ទ ១៥រោច ខែអាសាឍ ឆ្នាំជូត ទោស័ក ព.ស ត្រូវនឹងថ្ងៃទី២០ ខែកក្ដដា ឆ្នាំ២០២០
លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានដឹកនាំសហការីចុះពិនិត្យស្ថានភាពការចិញ្ចឹមមាន់ស្រែរបស់កសិករឈ្មោះ ចាន់ ធុច ដែលទទួលបានការធ្វេីបង្ហាញចិញ្ចឹមមាន់ក្នុងទ្រុងពីកម្មវិធីផ្សព្វផ្សាយបច្ចេកទេសកសិកម្មថ្មី ដែលធន់ទៅនឹងការប្រែប្រួលអាកាសធាតុ ខេត្តត្បូងឃ្មុំ តាមរយៈអង្គការ SOFDEC ចំនួន ១ខ្នងនិងបានពង្រីកខ្លួនឯងចំនួន ២ខ្នងបន្ថែុមទៀត ដែលមានបន្ទប់សរុប ២៨បន្ទប់ ស្ថិតនៅភូមិជាចជេីង ឃុំចុងជាច ស្រុកតំបែរ ខេត្តត្បូងឃ្មុំ។ ទូរស័ព្ទទំនាក់ទំនងលេខ ៖ ០៣១ ២៦៦ ៦២ ៥៥។ នៅក្នុងការចិញ្ចឹមមាន់ស្រែនេះ គាត់មានចិញ្ចឹមមាន់យកសាច់និងចិញ្ចឹមមាន់ភ្ញាស់យកកូន ក្នុងនោះមានមាន់មេបា មាន់ញីសរុប ១៣០ក្បាល មាន់ឈ្មោល ២០ក្បាល មាន់ចិញ្ចឹមយកសាច់ប្រមាណ ១០០ក្បាល និងកូនមាន់ប្រមាណ ១៥០ក្បាល ដែលមានអាយុ ២១ថ្ងៃហើយ។ កូនមាន់ជាទូទៅគាត់អាចលក់តម្លៃ ១ក្បាល=៥ ៥០០៛ មាន់សាច់លក់តម្លៃ ១គីឡូ=១៨ ០០០៛
ជាបន្ត លោកប្រធានមន្ទីរ បានដឹកនាំសហការីចុះពិនិត្យស្ថានភាពការចិញ្ចឹមមាន់ស្រែរបស់កសិករឈ្មោះ ស្រ៊ាន ប្រុស់ ជាប្រធានសហគមន៍កសិកម្មតំបែរមានជ័យ ដែលបានចិញ្ចឹមមាន់ប្រមាណ២៥០ក្បាល ក្នុងនោះមេពូជ ២៣០ក្បាល បាពូជ ២០ក្បាល ដេីម្បីចិញ្ចឹមភ្ញាស់យកកូន បែបសិប្បនិម្មិត ស្ថិតនៅភូមិផ្អាវ ឃុំទឹកជ្រៅ ស្រុកតំបែរ ខេត្តត្បូងឃ្មុំ។ ទូរស័ព្ទទំនាក់ទំនងលេខ ៖ ០៩៧ ៣០៣ ៥៧ ២៥។
ក្នុក្នុងឱកាសនៃការចុះពិនិត្យនេះ លោក ប្រធានមន្ទីរ បានធ្វេីការណែនាំតម្រង់ទិសដល់កសិករមួយចំនួនដូចជា៖
-សុំឱ្យកសិករ ពង្រឹងបណ្ដុំអាជីវកម្មចិញ្ចឹមមាន់ស្រែនេះ ដើម្បីបញ្ជាទិញធាតុចូលជាលក្ខណៈប្រមូលផ្តុំដូចជាចំណី ថ្នាំការពារ ព្យបាលជំងឺមាន់ ដែលអាចបញ្ចុះតម្លៃថ្លៃដើមផលិតបានមួយចំណែកនិងមានអំណាចគ្រប់គ្រាន់ក្នុងការចចារលក់ទៅកាន់ទីផ្សារ និងឈានទៅការអនុវត្តផលិតកម្មកសិកម្មតាមកិច្ចសន្យា
-កែលម្អទ្រុង ឱ្យតាមលក្ខណៈបច្ចេកទេស ដែលងាយធ្វើអនាម័យនិងគ្រប់គ្រង ងាយដាក់ចំណី ងាយប្រមូលគ្រាប់ពង
-រៀបចំទីធ្លារឲ្យមានកន្លែងម្លប់និងឱ្យមានចន្លោះសម្រាប់ពន្លឺថ្ងៃចាំងចូលបានគ្រប់គ្រាន់ សម្រាប់ឲ្យមាន់ហាលថ្ងៃខ្លះនិងកម្ចាត់មេរោគមួយចំនួន
-ត្រូវស្នើសុំខ្ចីពីធនាគារអភិវឌ្ឍន៍ជនបទនិងកសិកម្ម ដើម្បីធ្វើទំនើកម្មរចនាសម្ព័ន្ធកសិដ្ឋាននិងពង្រីកមុខរបរឲ្យបានធំ ព្រោះរាជរដ្ឋាភិបាល បានទម្លាក់ថវិកាជាតិ ៥០លានដុល្លា សម្រាប់ពង្រីកអាជីវកម្មបន្លែ ផ្លែឈើ ចិញ្ឹមមាន់ វារីវប្បកម្ម ក្នុងវិបត្តិកូវីដ ១៩ ដែលមានអត្រាការប្រាក់ទាប ដើម្បីរួមចំណែលសម្រាលបន្ទុកចំណាយរបស់ប្រជាកសិករនិងបង្កើនទំហំផលិតឲ្យបានច្រើន។
