ថ្ងៃពុធ ៤កើត ខែអសាឍ ឆ្នាំជូត ទោស័ក ស២៥៦៤ ត្រូវនឹងថ្ងៃទី២៤ ខែមិថុនា ឆ្នាំ២០២០ លោក ហន  អឿន អនុប្រធាន ការិយាល័យ រដ្ឋបាល បុគ្គលិក បានចុះសម្របសម្រួលក្នុងដំណើរទស្សន:កិច្ចពីវឌ្ឍនភាពនិងសម្មិទ្ធផលនានា របស់ក្រុមការងារគម្រោងថ្នាក់ជាតិ នៃលេខាធិការដ្ឋាន គ.ជ.អ.ប ដើម្បីរៀបចំផែនការសកម្មភាពអនុវត្តពីខែកក្កដា ដល់ខែធ្នូ ឆ្នាំ២០២០ និងលើកផែនការអនុវត្តបន្តឆ្នាំ២០២១ ក្នុងការអនុវត្តគម្រោង បែងចែក ដើម្បីសង្គមកិច្ចនិងការអភិវឌ្ឍសេដ្ឋកិច្ច ជំហាន២ (LASED II) នៅភូមិស្រែលើសែនជ័យ ឃុំជាំក្រវៀន ស្រុកមេមត់ ខេត្តត្បូងឃ្មុំ  ដោយក្រុមការងារបានពិនិត្យលើសាងសង់ផ្លូវ ការរៀបចំនិងដំណើរការរបស់ក្រុមទុនបង្វិល និងការអនុវត្តបង្ហាញបច្ចេកទេសផលិតកម្មមាន់ របស់សម្បទានិក ក្នុងនោះថ្នាក់ជាតិបានសំភាសន៍កសិករផលិតកម្មមាន់ និងមន្តី្រជំនាញលើការអនុវត្តគម្រោងផ្ទាល់ដោយបានផ្តិតរូបភាពនិងថតវីដេអូសម្រាប់ផ្សព្វផ្សាយព័ត៌មានបន្តផងដែរ។