ថ្ងៃចន្ទ ១៣រោច ខែចេត្រ ឆ្នាំជូត ទោស័កព.ស២៥៦៣ ត្រូវនឹងថ្ងៃទី២០ ខែមេសា ឆ្នាំ២០២០ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និង នេសាទខេត្តត្បូងឃ្មុំ  បានដឹកនាំកិច្ចប្រជុំពិនិត្យតាមដាន និងវាយតម្លៃវឌ្ឍនភាពរបស់ក្រុមហ៊ុនវិនិយោគសម្បទានដីសេដ្ឋកិច្ចឆ្នាំ២០១៩និងត្រីមាសទី១ ឆ្នាំ២០២០  នៅសាលប្រជុំលេខ១៤ មន្ទីរកសិកម្ម  រុក្ខាប្រមាញ់  និងនេសាទខេត្តត្បូងឃ្មុំ  ដោយមានការចូលរួមពីលោកអនុប្រធានមន្ទីរកសិកម្ម  រុក្ខាប្រមាញ់  និងនេសាទខេត្តត្បូងឃ្មុំ  លោកនាយខណ្ឌរដ្ឋបាលព្រៃឈើត្បូងឃ្មុំ  ប្រធានការិយាល័យកសិឧស្សាហកម្ម  មន្ត្រីការិយាល័យកសិឧស្សាហកម្ម  និងតំណាងក្រុមហ៊ុនសរុប១០នាក់
នៅក្នុងកិច្ចប្រជុំនេះលោកប្រធានមន្ទីរ  បានជំរុញនិងសំណូមពរដល់ក្រុមហ៊ុនវិនិយោគ សម្បទានដីសេដ្ឋកិច្ច ដូចជាៈ
-ក្រុមហ៊ុនត្រូវមានទីស្នាក់ការមួយនៅទីរួមខេត្តដើម្បីងាយស្រួលក្នុងការទំនាក់ទំនងការងារ
-ក្រុមហ៊ុនត្រូវមានថ្នាលពូជគ្រប់មុខដំណាំយុទ្ធសាស្ត្ររបស់ក្រុមហ៊ុន
-ក្រុមហ៊ុនត្រូវមានកិច្ចសហការងារបច្ចេកទេសជាមួយមន្ទីរកសិកម្ម រុក្ខាប្រមាញ់ និងនេសាទ
-សុំឱ្យក្រុមហ៊ុនអនុវត្តការដាំដុះតាមបច្ចេកទេសទំនើប
-ក្រុមហ៊ុនត្រូវមានអាងស្តុកទុកទឹកសម្រាប់ប្រើប្រាស់នៅរដូវប្រាំង 
 -ចំពោះសំណូមពររបស់ក្រុមហ៊ុននិងរៀបចំជូនទៅលេខាធិការដ្ឋានបច្ចេកទេសសម្រាប់សម្បទានដីសេដ្ឋកិច្ច។