នារសៀលថ្ងៃសៅរ៍ ១២កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៤ ខែមេសា ឆ្នាំ២០២០ដដែលនេះ
លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានចុះជួបសំណេះសំណាលជាមួយសមាជិកបណ្ដុំអាជីវ កម្មបន្លែ នៃកម្មវីធីផ្សព្វផ្សាយបច្ចេកទេសកសិកម្មថ្មី ដែលធន់ទៅនឹងការប្រែប្រួលអាកាសធាតុ( ASPIRE) របស់ក្រសួង កសិកម្ម រុក្ខាប្រមាញ់ និងនេសាទ ស្ថិតនៅភូមិស្ទឹងពេញ ឃុំជីគរ ស្រុកត្បូងឃ្មុំ ដែលមានអ្នកចូលរួមសរុប ១៤នាក់ ក្នុងនោះស្រី ៣នាក់។ បន្ទាប់ពីចុះពិនិត្យផ្ទះសំណាញ់ ដែលកំពុងដាំ បន្លែប្រភេទស្ពៃចង្កឹះ ខ្ញុំ បានផ្ដល់ការណែនាំតម្រង់ទិសសមាជិកបណ្ដុំអាជីវកម្មដូចខាងក្រោម ៖
-ជំរុញសមាជិកបណ្តុំឲ្យចេះធ្វើផែនការផលិតកម្ម ដើម្បីដាំដុះដំណាំកុំឲ្យជាន់គ្នា ទាំងប្រភេទ ដំណាំ ទំហំផលិតកម្ម ជៀសវាងកសិផលជួបភាពជុញ និងបណ្តាលឲ្យកសិផលមានតម្លៃទាប
-ជំរុញសមាជិកបណ្ដុំអាជីវកម្ម ដាំដំណាំឲ្យបានច្រើនប្រភេទ និងមានទំនាក់ទំនងជាមុន ជាមួយទីផ្សារ ដើម្បីឲ្យដឹងពីតម្រូវការរបស់ទីផ្សារ ទាំងបរិមាណនិងប្រភេទកសិផល ដើម្បីមានកសិផលអាចផ្គត់ផ្គង់ទៅលេីទីផ្សារ ទាំងនៅក្នុងស្រុក ក្រៅខេត្ត និងកាត់បន្ថយការនាំចូលបន្លែពីបណ្ដាប្រទេសផ្សេងៗ
-ត្រូវប្រើប្រាស់ថ្នាំនិងជីគីមី ដែលមានបកប្រែជាភាសាខ្មែរនៅលើសំបកវេចខ្ចប់ ទៅតាមបទ ដ្ឋានបច្ចេកទេស និងពិនិត្យមើលសុពលភាពប្រើប្រាស់លើសំបកកញ្ចក់ ជៀសវាងរបស់គ្មាន គុណភាព។ ជាពិសេស ត្រូវកែច្នៃថ្នាំ ជី តាមគោលការណ៍ធម្មជាតិ កាត់បន្ថយចំណាយថ្លៃ ដើមផលិត ក៏ដូចជា ផ្តល់គុណភាព សុវត្ថិភាពបន្លែ
-សមាជិកបណ្តុំ ត្រូវព្យាយាមជួបប្រជុំឲ្យបានច្រើន ដើម្បីពិភាក្សាពីបញ្ហាប្រឈមនិងកំណត់ សកម្មភាពត្រូវបន្ត
-ក្នុងស្ថានភាពការប្រែប្រួលអាកាសធាតុ មិនមានភ្លៀង ដែលប្រឈមការខ្វះខាតទឹកស្រោច ស្រព យើងត្រូវប្រើប្រាស់ប្រព័ន្ធស្រោចស្រព បែបសន្សំសំចៃ កៅស៊ូគម្របការពារស្មៅ ឬ ផ្ទះសំណាញ់។
