ថ្ងៃពុធ ៣រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១១ ខែមីនា ឆ្នាំ២០២០    
     លោក ហន អឿន អនុប្រធាន​ការិយាល័យរដ្ឋបាល បុគ្គលិក​ និងលោក ថូ សំអាន មន្ត្រីកម្មសិក្សា នៃមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ​ សហការនិងសម្របសម្រួលដោយ លោក លី រមនា​ មន្ត្រីជំនាញបសុព្យាបាល នៃការិយាល័យកសិកម្ម ធនធាន​ធម្មជាតិ និងបរិស្ថានស្រុកមេមត់​ ចុះធ្វើយុទ្ធនាការការពារជំងឺឆ្លងសត្វជូនសម្បទានិក ដែលទទួល​បានដីសម្បទានសង្គមកិច្ច ពីរាជ​រដ្ឋាភិបាល នៅភូមិស្រែលើសែនជ័យ ឃុំជាំក្រវៀន ស្រុកមេមត់ ខេត្តត្បូងឃ្មុំ​។
     នៅក្នុងយុទ្ធនាការនេះ មន្ត្រីជំនាញបានចុះបាញ់ថ្នាំរំងាប់មេរោគ​នៅតាមទ្រុង និងកន្លែងមាន់ដេក ចំនួន៤៧ គ្រួសារ ចាក់វ៉ាក់សាំងការពារ​ជំងឺអាសន្នរោគមាន់ វ៉ាក់សាំងការពារជំងឺអុត និងវ៉ាក់សាំងញូកាស។
     ជាមួយគ្នានោះដែរ មន្ត្រីជំនាញបាន ណែនាំបច្ចេកទេសបន្ថែមដល់សម្បទានិកដែលចិញ្ចឹមមាន់ ដូចជាការធ្វើអនាម័យទ្រុងមាន់ ការធ្វើជីវសុវត្ថិភាព ការថែទាំ និងផ្ដល់ចំណីជាដើម ដើម្បីឲ្យផលិតកម្មរបស់ពួកគាត់ទទួលបានលទ្ធផលល្អ និងបានប្រាក់ចំណូលបន្ថែម។