រសៀលថ្ងៃពុធ ១២កើត ខែផល្គុន ឆ្នាំកុរ ឯកស័ក ពស២៥៦៣ ត្រូវនឹងថ្ងៃទី៤ ខែមីនា ឆ្នាំ២០២០
-លោក សន មិនា អនុប្រធានការិយាល័យគ្រឿងយន្តកសិកម្ម
-លោក ផាត់ ប៊ុនផោន មន្ត្រីការិយាល័យគ្រឿងយន្តកសិកម្ម
-លោក ឃាន ខៃ អនុប្រធានការិយាល័យកសិកម្ម ធនធានធម្មជាតិនិងបរិស្ថានស្រុកពញាក្រែក 
បានចុះសាងសង់ផ្ទះសំណាញ់សម្រាប់ដាំដុះដំណាំបន្លែ ជូនកសិករ ម៉ុន សុត នៅភូមិក្រញូង ឃុំវាលម្លូរ ស្រុកពញាក្រែក។ កសិករខាងលើនេះ ជាអ្នកដាំបន្លែអាជីពដែលទទួលបានបច្ចេកទេសពីមន្ត្រីជំនាញមន្ទីរកសិកម្ម និងឧបត្ថម្ភធន់ ពីគម្រោងជំរុញផលិតកម្មស្បៀង របស់ក្រសួងកសិកម្ម រុក្ខាប្រមាញ់និងនេសាទ។ ដែលកំពុងដាំដុះ និងប្រមូលផលសាលាដ៍ សណ្តែកកួរ ខ្ទឹមស្លឹកនិងត្រកួន ហើយគាត់យកទៅលក់នៅផ្សារដោយខ្លួនឯង។
បច្ចុប្បន្ននេះ ដោយសារអាកាសធាតុមានការប្រែប្រួល ធ្វើឲ្យការដាំដុះដំណាំបន្លែរបស់គាត់ជួបប្រទះបញ្ហាដូចជាសត្វ
ល្អិតចង្រៃស៊ីបំផ្លិចបំផ្លាញ។ កត្តានេះហើយធ្វើឱ្យគាត់ចាប់អារម្មណ៍ទៅលើការធ្វើផ្ទះសំណាញ់សម្រាប់ដាំដុះបន្លែ។