ថ្ងៃអង្គារ ១០កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣ ខែមីនា ឆ្នាំ២០២០
លោក  ហេង  បូរ៉េន  មន្ត្រីខណ្ឌរដ្ឋបាលជលត្បូងឃ្មុំ  សហការជាមួយលោក ឈ ប៊ុនលី មន្ត្រីនាយកដ្ឋានវារីវប្បកម្ម  នៃរដ្ឋបាលជលផល  ចុះឃុំទន្លេបិទ  និងឃុំជីរោទិ៍១  ស្រុកត្បូងឃ្មុំ  និងឃុំកំពង់ទ្រាស  ស្រុកក្រូចឆ្មារ  ដើម្បីប្រជុំជ្រើសរើសកសិករចិញ្ចឹមត្រីក្នុងបែរ។ ហើយបានជ្រើសរើសភូមិ ឃុំ ដូចខាងក្រោម៖
    -នៅភូមិព្រែកតូច ឃុំជីរោរិ៍១ អ្នកចូលរួមសរុប ៤០នាក់ ស្រី ៣២នាក់ ដែលមកពីឃុំចំនួន ២ គឺឃុំទន្លេបិទ និងឃុំជីរោរ៍១ លទ្ធផលក្រុមការងារសម្រេចជ្រើសរើស ១០គ្រួសារនៅឃុំជីរោរិ៍១ និង១០គ្រួសារទៀតនៅឃុំទន្លេបិទ សម្រាប់ចូលក្នុងគម្រោងថវិកាកម្មវិធី របស់ថ្នាក់កណ្តាល។
    -នៅភូមិទី ៦ ឃុំកំពង់ទ្រាស អ្នកចូលរួមសរុប ៤៥នាក់ ស្រី ៤២នាក់ ក្រុមការងារបានជ្រើសរើស ១០គ្រួសារ សម្រាប់ចូលរួមក្នុងគម្រោងថវិកាកម្មវិធី របស់ថ្នាក់កណ្តាល។  សរុបរួមទាំង៣  ឃុំស្មើ  ៣០គ្រួសារ។ 
     ផែនការបន្ត នាយកដ្ឋានវារីវប្បកម្មនឹងចុះមកបើកវគ្គបណ្តុះបណ្តាលដល់កសិករ ៣០គ្រួសារ និងផ្តល់ពូជត្រីដាក់ចិញ្ចឹម ។