ថ្ងៃអង្គារ ៩កើត ខែកក្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៥ ខែវិច្ឆិកា ឆ្នាំ២០១៩ លោក ដុក សាវឿន អនុប្រធានការិយាល័យក្សេត្រសាស្ត្រ និងផលិតភាពកសិកម្ម និងមន្រ្តីការិយាល័យ បានចុះពិនិត្យស្ថានភាពដំណាំដំឡូងមី និងណែនាំបច្ចេកទេសដល់កសិករ នៅភូមិគោកស្រុក ឃុំគោលស្រុក ស្រុកតំបែរ និងភូមិក្បាលបឹងសេះ ឃុំគរ ស្រុកត្បូងឃ្មុំ ដែលមានកសិករ និងអ្នកប្រមូលទិញសរុបចំនួន ១២នាក់ ក្នុងនោះស្រី ៦នាក់។
+សកម្មភាព និងលទ្ធផល
- បានចុះជួបកសិករដែលកំពុងប្រមូលផល និងធ្វើស្មៅដំឡូងមីចំនួន ៣កន្លែង
- បានជួបអាជីវករប្រមូលទិញដំឡូងមី ចំនួន ១កន្លែង
- បានសួរនាំកសិករពីទិន្នផលដំឡូងមី ឃើញថាបើធៀបនឹងឆ្នាំចាស់គឺមានការថយចុះជាងឆ្នាំមុន ដោយសារកត្តារាំងស្ងួតនៅដើមរដូវកាលដាំដុះ និងជំងឺម៉ូសាអ៊ិចលើដំឡូងមី
- បានបង្ហាញកសិករ និងអាជីវករប្រមូលទិញដំឡូងមី ពីរោគសញ្ញា ការបំផ្លាញ និងវិធានការទប់ស្កាត់ការរីករាលដាលនៃជំងឺម៉ូសាអ៊ិចលើដំឡូងមី
- តម្លៃកសិផលដំឡូងមីបច្ចុប្បន្ន ៣៨០៛ (ស្រស់) អាជីវករប្រមូលទិញបានពី ៣០ ទៅ៤០តោន ក្នុងមួយថ្ងៃ។
+ផែនការបន្ត
- ចុះវាស់ស្ទង់ទិន្នផលដំឡូងមី ទាំង៧ក្រុងស្រុក
- ណែនាំកសិករបន្ថែមទៀតពីការទុកដាក់ និងជ្រើសរើសពូជដែលគ្មានជំងឺ សម្រាប់ដាំដុះឆ្នាំបន្ទាប់។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម