នៅរសៀលថ្ងៃសុក្រ ៥កើត  ខែកត្តិក ឆ្នាំ កុរ  ឯកស័ក ព.ស.២៥៦៣  ត្រូវ នឹង ថ្ងៃ ទី ០១  ខែ វិច្ឆិកា  ឆ្នាំ ២០១៩ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ និងសហការី  បានចូលរួម កិច្ចប្រជុំលើកដំបូងនៃអនុគណៈកម្មាធិការសម្របសម្រួលកិច្ចសន្យាផលិតកម្មកសិកម្ម  នៅសាលប្រជុំ  រដ្ឋបាលខេត្តត្បូងឃ្មុំ  ក្រោមអធិបតីភាព  ឯកឧត្តម  ពាង  ណារិទ្ធ  អភិបាល រង ខេត្ត  និងជា ប្រធាន អនុគណៈកម្មាធិការសម្របសម្រួលកិច្ចសន្យាផលិតកម្មកសិកម្ម  ដោយមានការចូលពីអង្គភាពពាក់ព័ន្ធដែលជាសមាជិក អនុគណៈកម្មាធិការ សរុប ១៥ នាក់  ក្នុង នោះ ស្រី ២នាក់ ។ 

+ កិច្ចប្រជុំនេះ មានគោលបំណងដូចខាងក្រោម៖
- បង្ហាញពីសមាសភាពនៃ អនុគណៈកម្មាធិការសម្របសម្រួលកិច្ចសន្យាផលិតកម្មកសិកម្ម 
- ផ្សព្វផ្សាយ ពីអនុក្រឹត្យ  សេចក្ដី សម្រេច  សារាចរ ណែនាំ  របាយការណ៍ពាក់ព័ន្ធកិច្ច សន្យា ផលិតកម្ម កសិកម្ម 
- ផ្សព្វផ្សាយ  និង ជំរុញ ការអនុវត្ត  កិច្ចសន្យា ផលិតកម្ម កសិកម្ម 
- សំណូមពរសភា ពាណិជ្ជកម្ម ខេត្តត្បូងឃ្មុំ  ជួយផ្សព្វផ្សាយ និងជំរុញលើកទឹកចិត្តដល់ក្រុមហ៊ុន រោងម៉ាស៊ីនកិនស្រូវ  ជួយប្រមូលទិញស្រូវពីកសិករ។