នៅថ្ងៃអង្គារ ៩រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២២ ខែតុលា ឆ្នាំ២០១៩ លោក ស៊ុន សារ៉ាត អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានដឹងនាំមន្រ្តីជំនាញមន្ទីរកសិកម្ម សហការជាមួយ លោក ណុប ណាង ប្រធានការិយាល័យកសិកម្មស្រុកមេមត់ ចុះបើកវគ្គបណ្តុះបណ្តាលស្តីពី ផលប៉ះពាល់ការប្រើប្រាស់ថ្នាំពុលកសិកម្ម និងចុះពិនិត្យ និងផ្តល់បច្ចេកទេសលើផលិតកម្មដំណាំបន្លែ ការចិញ្ជឹមមាន់លក្ខណៈគ្រួសារ ដល់កសិករដែលទទួលបានដីសម្បទាន ​​នៅភូមិស្រែលើសែនជ័យ ឃុំជាំក្រវៀន ស្រុកមេមត់។ 

+ ក្នុងវគ្គបណ្តុះបណ្តាលខាងលើនេះ កសិករទទួលបានចំណេះដឹងដូចខាងក្រោម៖
-ផលប៉ះពាលដោយសារធាតុគីមី
-ការសង្គ្រោះបឋម
-រោគសញ្ញាដែលបញ្ជាក់ថាមានជាតិពុលធ្ងន់ធ្ងរនៅក្នងខ្លួន 

+ បន្ទាប់បីបញ្ជប់វគ្គបណ្តុះបណ្តាល ក្រុមការងារបានបន្តចុះពិនិត្យនិងណែនាពីការដាំដំណាំបន្លែ និងការចិញ្ចឹមមាន់ដូចជា៖ 
-ជំរុញកសិករពីការរៀបចំដីឲ្យបានទាន់ពេលវេលាសម្រាប់ស្ទូងកូនបន្លែ
-ណែនាំកសិករពីការប្រើប្រាស់ប្រព័ន្ធស្រោចស្រពឲ្យបានត្រឹមត្រូវទៅតាមប្រភេទបន្លែ
-និងចុះត្រួតពិនិត្យការចិញ្ចឹមមាន់លក្ខណៈគ្រួសារ ដោយមានកសិករចូលរួមសរុប ៤៥នាក់ ស្រ្តី ៣២នាក់។