ថ្ងៃទី១៤ កើត ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៤ ខែសីហា ឆ្នាំ២០១៩  លោក សន មិនា និងលោក អៀង ថងអ៊ុន អនុប្រធានការិយាល័យគ្រឿងយន្តកសិកម្ម សហការជាមួយលោក ណុប ណាង ប្រធានការិយាល័យកសិកម្មស្រុកមេមត់ បានបើកវគ្គបណ្តុះបណ្តាលស្តីពីបច្ចេកទេសរៀបចំដីសម្រាប់ដំណាំបន្លែ ដំណាំស្រូវ និងបង្ហាញពីការប្រើប្រាស់ ថែទាំគ្រឿងយន្តកសិកម្ម ក្នុងស្រុកមេមត់ ខេត្តត្បូងឃ្មុំ។

+ ពេលព្រឹក៖ សហការជាមួយក្រុមហ៊ុន គង់ នួន គ្រុប បានបើកវគ្គបណ្តុះបណ្តាលស្តីពីបច្ចេកទេសរៀបចំដីសម្រាប់ដំណាំបន្លែ ដំណាំស្រូវ និងបង្ហាញពីការប្រើប្រាស់ ថែទាំគ្រឿងយន្តកសិកម្មដល់កសិករ នៅឃុំត្រមូង ស្រុកមេមត់ ដែលមានអ្នកចូលរួម ២៤នាក់ ស្រី២នាក់។

+ ពេលរសៀល៖ បើកវគ្គបណ្តុះបណ្តាលស្តីពីបច្ចេកទេសរៀបចំដីសម្រាប់ដំណាំបន្លែ និងដំណាំស្រូវ ដល់កសិករនៅឃុំមេមង ស្រុកមេមត់ មានអ្នកចូល ២៨នាក់ ស្រី៤នាក់។