តាមការរៀបរាប់របស់ លោក ដុក សាវឿន អនុប្រធានការិយាល័យក្សេត្រសាស្ត្រ និងផលិតភាពកសិកម្ម បង្ហាញ
ថាការដាំបង្ហាញនេះ អនុវត្តទៅលើពូជពោត២ប្រភេទ ដោយប្រើប្រាស់ជី ៣ប្រភេទ ទៅតាមដំណាក់កាលលូតលាស់របស់ពោតគឺ មុនពេលដាំ(ទ្រាប់បាត) ពេលកំពុងលូតលាស់ និងពេលចេញផ្លែ។ ជាលទ្ធផលបង្ហាញថា ការបន្ថែមជីគីមី ជាសារធាតុចិញ្ចឹមនោះ អាចឲ្យកសិករកើនចំណូលតាមរយៈការកើនទិន្នផលពោតមានតម្លៃពី៦០០០០០៛-៨០០ ០០០៛ ក្នុងមួយហិកតា។

ក្នុងឱកាសនោះ លោកប្រធានមន្ទីរបាន ៖
១-សំណូមពរដល់ប្រជាកសិករនាំយកនូវអ្វីដែលទទួលបានយល់ដឹងនាពេលនេះផ្សព្វផ្សាយបន្ត ដល់អ្នកជិតខាង និងត្រូវអនុវត្តការដាំដុះប្រើប្រាស់ជី តាមបច្ចេកទេសដូចដែលបានបង្ហាញ។
២-កសិករត្រូវពិចារណាទៅលើការប្រើគ្រឿងយន្តឲ្យបានច្រើន ដូចជាការពង្រាបដី ការដាំគ្រាប់ពូជ ការរៀបចំប្រព័ន្ធស្រោចស្រពពាក់កណ្តាលស្វ័យប្រវត្តិដែលចំណាយកម្លាំងពលកម្មតិច ពេលវេលាតិច សន្សំសំចៃទឹក ងាយគ្រប់គ្រងកត្តាចង្រៃ និងច្រូតកាត់ដោយម៉ាសុីន។
៣-ត្រូវចងក្រងជាក្រុម ឬ សហគមន៍កសិកម្ម ដើម្បីប្រមូលផ្តុំបណ្តុំផលិតកម្មតាមស្តង់ដារបច្ចេកទេសពង្រីកអំណាចចចារតម្លៃនិងនិរន្តរភាពទីផ្សារ។