អង្គមហាសន្និបាតបានអនុម័តសមាជិកភាព លក្ខន្តិកៈ បទបញ្ជាផ្ទៃក្នុងសហគមន៍ និងធ្វើការបោះឆ្នោតជ្រើសរើស បានសមាសភាពក្រុមប្រឹក្សា ៥រូបនិងសមាសភាពគណៈកម្មាធិការត្រួតពិនិត្យ ៣រូប។

បន្ទាប់ពីការប្តេជ្ញាចិត្តរបស់តំណាងថ្នាក់ដឹកនាំសហ គមន៍កសិកម្ម ក្តីសង្ឃឹមកសិករ ដែលសមាជិកទើប បានផ្តល់សេចក្តីទុកចិត្ត លោកប្រធានមន្ទីរ បានផ្តល់មតិណែនាំមួយចំនួនដូចខាងក្រោម ៖
-ប្រជាកសិករដែលស្ម័គ្រចិត្តនិងទទួលបានសមាជិកភាពសហគន៍កសិកម្ម និងថ្នាក់ដឹកនាំសហគមន៍ ត្រូវមានសាមគ្គីភាពផ្ទៃក្នុងល្អ គោរពតួនាទីគ្នាទៅវិញទៅមក ចេះពិគ្រោះដោះស្រាយបញ្ហាប្រឈមដោយឈរលើគោលការណ៍ស្មើភាពនិងសមធម៌ 
-ត្រូវរៀបចំផែនការមុខរបរ ក្រុមទទួលខុសត្រូវមុខរបរ ស្របទៅតាមធនធាននិងសមត្ថភាព របស់សមាជិក
-ត្រូវដាំដុះដំណាំទៅតាមបច្ចេកទេស ដែលធានាស្តង់ដារផលិតផលនិងអនុឡោមទៅតាមការបញ្ជា ទិញរបស់ទីផ្សារ
-ត្រូវធ្វើការសិក្សាតម្រូវទីផ្សារ មុននឹងរៀបចំធ្វើផែន ការដាំដុះដំណាំនិងផលិតកម្ម
-ត្រូវអនុវត្ត ផលិតកម្មកសិកម្មតាមកិច្ចសន្យា ដើម្បីធានាបាននិរន្តរភាពទីផ្សារនិងតម្លៃ
-សហគមន៍ ត្រូវស្វែងរកការបណ្តុះបណ្តាលពង្រឹងសមត្ថភាពបន្ថែម ដើម្បីលើកកម្ពស់ការយល់អំពីផលិតកម្ម និងទីផ្សារ។

បន្ទាប់ពីកម្មវិធីមហាសន្និបាតកំណើតដំបូងសហគមន៍កសិកម្មក្តីសង្ឃឹមកសិករ លោកប្រធានមន្ទីរ និងសហការី បន្តចុះពិនិត្យស្ថានភាពដំណាំម្រេចរបស់កសិដ្ឋាន Farmily Plantation នៅភូមិស្រះត្រកួន ឃុំឈូក ស្រុកក្រូចឆ្មារ ដែលកំពុងជួបបញ្ហាកង្វះទឹកស្រោចស្រព និងជំងឺរលួយឬស។ ក្រុមការងារ បានណែនាំនូវបច្ចេកទេសមួយចំនួនដូចតទៅ ៖
-ត្រូវប្រើប្រាស់ប្រព័ន្ធស្រោចស្រពដែលសន្សំសំចៃទឹក និងត្រូវប្រើស្បៃគម្រប កាត់បន្ថយកម្តៅដល់ដើមនិងស្លឹកម្រេច និងភាពឆាប់ហួតហែងនៃដី
-ត្រូវរៀបចំចង្អូររំដោះទឹក តាមចន្លោះរងម្រេចនៅរដូវវស្សា ទប់ស្កាត់ភាពជាំទឹកនិងការឆ្លងរាលដាលនៃជំងឺផ្សិត 
-ត្រូវប្រើប្រាស់ប្រភេទថ្នាំការពារផ្សិត Trychoderma នៅដើមរដូវភ្លៀងខាងមុខ ការពារការកកើតមេរោគផ្សិត 
-ត្រូវព្យាយាមផលិតថ្នាំពុលធម្មជាតិនិងជីធម្មជាតិ ឲ្យបានគ្រប់គ្រាន់។ អ្នកដាំម្រេច ត្រូវចិញ្ចឹមគោនិង ធ្វើឡជីវឧស្ម័ន ដើម្បីទទួលបានជីធម្មជាតិល្អ ហើយមិនមានមេរោគនិងពពួកគ្រាប់ស្មៅចង្រៃ
-ត្រូវព្យាយាមផលិតម្រេចមានស្តង់ដារ ដែលជាតម្រូវការរបស់អ្នកបញ្ជាទិញ ហើយមានការទទួលស្គាល់ពីសមត្ថកិច្ច។