លោកប្រធានមន្ទីរ សូមសំដែងការកោតសរសើរដល់លោកមេបញ្ជាការ មេបញ្ជាការរង ពលទាហាន ដែលបានប្រឹងប្រែងរៀបចំការដាំដុះបន្លែនិងការចិញ្ចឹមសត្វ បន្ទាប់ពីទទួលបានការបណ្តុះបណ្តាលបច្ចេកទេសពីមន្ត្រីជំនាញកសិកម្មកន្លងមក។

ឱកាសនោះ លោកប្រធានមន្ទីរ បានស្នើសុំឲ្យលោកមេបញ្ជាការ ជំរុញការងារកសិកម្មនេះ ពីការធ្វើដើម្បីផ្គត់ផ្គង់អង្គភាព ទៅជាការធ្វើបម្រើឲ្យការផ្គត់ផ្គង់អង្គភាពផងនិងការផ្គត់ផ្គង់ទីផ្សារ ដើម្បីបានចំណូលសម្រាប់អង្គភាពផង។ មន្ទី នឹងរងចាំទទួលនូវរាល់ការស្នើសុំសេវាបច្ចេកទេសបន្ថែម។

រសៀលនេះដែរ លោកប្រធានមន្ទីរ បានបន្តដឹកនាំមន្ត្រីជំនាញ ចុះពិនិត្យការចិញ្ចឹមគោបំប៉នយកសាច់របស់កសិករនៅភូមិក្រសាំង ឃុំសេដា ស្រុកតំបែរ និងការសម្របសម្រួលណែនាំតម្រង់ទិសដល់កសិករនៅភូមិជ័យសម្បត្តិ ឃុំតំបែរ ស្រុកតំបែរ ក្នុងការរៀបចំផ្ទះសំណាញ់សម្រាប់ការដាំបន្លែ 
ធន់ទៅនឹងការប្រែប្រួលអាកាសធាតុ។