លោក ដុកសាវឿន អនុប្រធានការិយាល័យក្សេត្រសាស្ត្រនិងផលិតភាពកសិកម្ម
បានជម្រាបពីគោលបំណងនៃការរៀបចំចម្ការពិសោធន៍នេះ 
គឺចង់បង្ហាញដល់ប្រជាកសិករអំពីបច្ចេកទេសដាំដុះនិងប្រសិទ្ធភាពនៃការប្រើជី ទៅលើប្រភេទពូជពោតCP៨៨៨និងTF៧២២ ធៀបពូជពោតដ៏ទៃទៀត។ ក្នុងដំណើរការសិក្សាពិសោធន៍នេះ មន្ត្រីជំនាញ បានណែនាំលើការប្រើជី ៣ប្រភេទ គឺ ជីDAP=100គក្រ/ហិកតា ,Urea=140គក្រ/ហិកតា, KCL=140គក្រ/ហិកតា និងដាក់ជា ៣ ដំណាក់កាល ៖
លើកទី១-ពេលរៀបចំដី គឺប្រើជីDAP ទ្រាប់បាត 30គក្រ/ហិកតា 
លើកទី២- ពេលពោតមានអាយុកាល ២០ថ្ងៃបន្ទាប់ដាំ គឺប្រើជី DAP 35គក្រ/ហិកតា ជីUrea 70គក្រ/ហិកតា ជីKCL 40គក្រ/ហិកតា 
លើកទី៣- ពេលពោតមានអាយុកាល ៤០ថ្ងៃបន្ទាប់ពីដាំ គឺប្រើជី DAP 35គក្រ/ហិកតា ជីUrea 70គក្រ/ហិកតា ជីKCL 100គក្រ/ហិកតា។

ជាលទ្ធផលបង្ហាញថា ការប្រើប្រាស់ជីបន្ថែមលើដំណាំពោត មិនអាចខ្វះបាន បើប្រៀបធៀបពោតដែលមិនបានដាក់ជីបន្ថែម ហើយទទួលបានផលចំណេញច្រើនជាង។

ក្នុងឱកាសនោះ លោកប្រធានមន្ទីរបាន ៖ 
-ណែនាំដល់កសិករ ត្រូវអនុវត្តការដាំដុះស្របតាមបច្ចេកទេស ប្រើប្រាស់ប្រព័ន្ធស្រោចស្រពដែលសន្សំសំចៃទឹក និងត្រូវបន្ថែមសារធាតុចិញ្ចឹមស្របតាមកម្រិតជីនិងដំណាក់កាលលូតលាស់នៃដំណាំពោត 
-កសិករត្រូវចងក្រងជាក្រុម ឬសហគមន៍កសិកម្ម ដើម្បីប្រមូលផ្តុំ ពង្រីកទំហំផលិតកម្មដោយមានផែនការច្បាស់លាស់និងងាយផ្សារភ្ជាប់ទៅកាន់ទីផ្សារចុងក្រោយ។

សូមជម្រាបថា ខេត្តត្បូងឃ្មុំ បានដាំពោតចំណីសត្វលើផ្ទៃដីប្រមាណ ១១ ២០៥ហិកតា ក្នុងនោះដាំនៅរដូវវស្សាប្រមាណ ៤ ១៧០ហិកតា នៅស្រុកក្រូចឆ្មារ ត្បូងឃ្មុំ អូររាំងឪ និងស្រុកមេមត់ និងនៅរដូវប្រាំង ៦ ០៣៥ហិកតា នៅស្រុកក្រូចឆ្មារនិងស្រុកត្បូងឃ្មុំ។