ថ្ងៃព្រហស្បតិ៍ ២រោច ខែមាឃ ឆ្នាំច សំរឹទ្ធិស័កព.ស ២៥៦២ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានបន្តដឹកនាំមន្ត្រីជំនាញ ចុះពិនិត្យទីតាំងប្រមូលទិញនិងសម្ងួតពោតក្រហម ចំនួន២កន្លែង នៅក្នុងភូមិទី៦ ឃុំកំពង់ទ្រាស ស្រុកក្រូចឆ្មារ។

អាជីវករ សុះ ម៉ាស មាន លទ្ធភាពសម្ងួតបានប្រមាណ 2 000តោន/ឆ្នាំ ចំណែកអាជីវករ ម៉ាន អាត មានលទ្ធភាពសម្ងួតពោតបានប្រមាណ 600តោន/ឆ្នាំ ដោយពួកគាត់ធ្វើកាប្រមួលទិញពីកសិករដែលបានផ្គត់ផ្គង់ពូជមុនពេលដាំដុះនៅក្នុងតំបន់ជាពិសេសគឺនៅស្រុកក្រូចឆ្មា និងស្រុកត្បួងឃ្មុំ ដើម្បីលក់ទៅឲ្យក្រុមហ៊ុន ស៊ីភី ក្រុមហ៊ុន ម៉ុង រិទ្ធី រោងចក្រចំណីសត្វហ្គ្រីនហ្វីត និងទៅប្រទេសថៃ។