នៅថ្ងៃទី០៨ ខែកុម្ភៈ ឆ្នាំ២០១៩ លោក សេង ថា ប្រធានការិយាល័យកសិកម្មស្រុកអូររាំងឪ និងលោក មាន វ៉ាន់ឡាយ មន្ត្រីការិយាល័យកសិកម្មស្រុកអូររាំងឪ បានចុះពិនិត្យនិងពន្យល់ណែនាំពីបច្ចេកទេសដាំដុះដំណាំបន្លែ ដល់កសិករនៅភូមិទំនាប ឃុំគងជ័យ ស្រុកអូររាំងឪ ចំនួន០៨គ្រួសារ ដោយក្នុងនោះមន្ត្រីជំនាញបានណែនាំកសិករដូចជា៖

១. ត្រូវប្រើប្រាស់ទឹកដោយប្រុងប្រយ័ត្ន និងសន្សំសំចៃ ព្រោះពេលនេះនឹងទៅមុខទៀតទឹក កាន់តែខ្សត់ហើយ
២. ណែនាំកសិករឲ្យដាំមុខដំណាំខុសគ្នា នឹងឲ្យស្របតាមតម្រូវការទីផ្សារ ទើបជោគជ័យលើតំលៃរហូត (ឧ. ឆៃថាវ និងខាត់ណាដើម តម្រូវការពេលឆេងម៉េង..)
៣.ពន្យល់ពីផលប៉ះពាល់នៃថ្នាំពុល ជីកសិកម្ម ចំពោះសុខភាពអ្នកប្រើប្រាស់ និងអ្នកបរិភោគ
៤. ពន្យល់ពីគុណវិប្បត្តិនៃថ្នាំពុល និងជីគីមី ចំពោះដីកសិកម្ម។