ក្នុងនោះដែរមន្ត្រីបច្ចេកទេសបានណែនាំពីការរៀបចំដីនិងថែរក្សាជីវជាតិដី និងផ្សព្វផ្សាយពីការប្រើប្រាស់ ការទុកដាក់និង បន្សុទ្ធពូជ ដើម្បីឲ្យចរាចរណ៍ពូជខា១៥នេះឲ្យបានទូលំទូលាយនិងផ្សារភ្ជាប់ទៅនឹងទីផ្សារ។

សូមជម្រាបជូនថា ពូជស្រូវខា១៥ ជាពូជស្រូវបង្កាត់ដោយវិទ្យាស្ថានស្រាវជ្រាវនិងអភិវឌ្ឍន៍កសិកម្មកម្ពុជានៃក្រសួង កសិកម្ម រុក្ខាប្រមាញ់ និងនេសាទ។

ក្នុងឱកាសនោះ លោកប្រធានមន្ទីរ បានសំណូមពរដល់លោកក្រុម ប្រឹក្សាឃុំ មេភូមិ អ្នកប្រមូលទិញស្រូវ និងប្រជា កសិករ នូវចំណុចមួយចំនួនដូចតទៅ ៖
១-សូមងាកមកប្រើពូជស្រូវខា១៥នេះ ព្រោះជាពូជស្រូវបាយទន់ល្អ មានអាយុកាលខ្លី មិនប្រកាន់រដូវ មានទីផ្សារនិងតម្លៃល្អប្រសើរជាងពូជចម្រុះ
២-ផលិតពូជដោយខ្លួនឯង ដើម្បីផ្គត់ផ្គង់ពូជដល់កសិករក្នុងតំបន់
៣-ត្រូវយកចិត្តទុកដាក់លើការថែទាំ កម្ចាត់ស្មៅ ប្រើជីស្របតាមបទដ្ឋានបច្ចេកទេស
៤-មិនត្រូវធ្វើការដាំដុះស្រូវរដូវប្រាំងជាលើកទី២ ចំពោះតំបន់ឆ្ងាយពីប្រភពទឹក ត្រូវសន្សំសំចៃទឹក ស្របតាមសារាចរណែនាំរបស់រាជរដ្ឋាភិបាលនិងសេចក្តីណែនាំរបស់ក្រសួងកសិកម្ម រុក្ខាប្រមាញ់ និងនេសាទ
៥-សូមលោកក្រុមប្រឹក្សាឃុំ តាមដានជាប្រចាំស្ថាន ភាពទឹករដូវប្រាំងនេះ និងរាយការណ៍ជាបន្ទាន់ទៅថ្នាក់ដឹកនាំ។