នៅរសៀលថ្ងៃព្រហស្បតិ៍ ៦កើត ខែមិគសិរ ឆ្នាំច សំរឹទ្ធិ ស័ក ព.ស២៥៦២ ត្រូវនឹងថ្ងៃទី១៣ ខែធ្នូ ឆ្នាំ២០១៨ នេះដែរ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានដឹកនាំមន្ត្រីជំនាញជួបប្រជុំពិភាក្សាស្ដីពីបញ្ហាការងារដាំដុះដំណាំអំពៅ ស្រូវ ដំឡូង មី ស្វាយចន្ទី និងកៅស៊ូ តាមសំណើសុំរបស់កសិករ នៅឃុំឈូកស្រុក ក្រូចឆ្មារ ដែលមាន ការចូលរួមពីលោកជំទប់ទី១ ឃុំ ឈូក និងកសិករ ១២នាក់ ក្នុងនោះ ស្រី ១នាក់។

ក្នុងឱកាសនោះ មន្ត្រីជំនាញបានណែនាំពី វិធានការ ទប់ស្កាត់ បង្ការ និងបច្ចេកទេសក្នុងការប្រើប្រាស់ជី និងថ្នាំពុលកសិកម្មប្រកបដោយប្រសិទ្ធភាព និង ប្រសិទ្ធផល។