នៅរសៀលថ្ងៃសុក្រ ១៥រោច ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែធ្នូ ឆ្នាំ២០១៨ លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានដឹកនាំមន្ត្រីជំនាញការិយាល័យក្សេត្រសាស្ត្រនិងផលិតភាពកសិកម្ម ការិយាល័យផ្សព្វផ្សាយកសិកម្ម ការិយាល័យកសិ ឧស្សាហកម្ម និងការិយាល័យកសិកម្មស្រុកមេមត់ បន្តជួបសំណេះសំណាលនិងចែកគ្រាប់ពូជបន្លែ និងសៀវភៅបច្ចេកកសិកម្មដល់តំណាងគ្រួសារកសិករចំនួន ៥០នាក់ មកពីភូមិមុខក្រាស់ មេមត់ និងភូមិសង្គមជ័យ ឃុំមេមត់ ស្រុកមេមត់ ដោយមានការអញ្ជើញចូលរួមពីលោកអភិបាលនៃគណៈអភិបាលស្រុកមេមត់និងលោកមេឃុំមេមត់ ដោយគ្រួសារកសិករម្នាក់ៗ ទទួលបានពូជបន្លែ ៣មុខ។