ថ្ងៃទី៣ ខែកក្កដា ឆ្នាំ២០១៨

កម្លាំងខណ្ឌរដ្ឋបាលជលផលត្បូងឃ្មុំ ផ្នែករដ្ឋបាលជលផលត្បូងឃ្មុំ និងកម្លាំងអធិការដ្ឋានរដ្ឋបាលជលផលមេគង្គ មានសមាសភាពដូចខាងក្រោម៖

   ១,លោក ភួង ទីណា នាយរងអធិការដ្ឋានរដ្ឋបាលជលផលមេគង្គ 
   ២,លោក ជាម ប៉ង នាយរងខណ្ឌជលផលត្បូងឃ្មុំ
   ៣,លោក អុល អែម មន្ត្រីអធិការដ្ឋានរដ្ឋបាលជលផលមេគង្គ
   ៤,លោក សយ ស៊ាងហុង មន្រ្តីជលផលត្បូងឃ្មុំ
   ៥,លោក អេង បូរម្យ មន្ត្រីកិច្ចសន្យាជលផលត្បូងឃ្មុំ
   ៦ លោក យ៉ា វណ្ណា មន្ត្រីកិច្ចសន្យាជលផលត្បូងឃ្មុំ
   ៧,លោក ចែម គឹមឈឿន មន្ត្រីកិច្ចសន្យាជលផលត្បូងឃ្មុំ
   
 បានចុះត្រួតពិនិត្យបទល្មើសជលផល និងពិនិត្យមើលការជីកដីធ្វើផ្លូវក្នុងដែននេសាទ ចំណុចក្បាលបឹងត្រែង ក្បាលបឹងគគីរ មកទល់ផ្លូវជាតិលេខ៧ របស់លោក លី ខេង តំណាងប្រជាពលរដ្ឋ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ដែលមានប្រវែងសរុប ១៨០០ ម៉ែត្រ ទទឹង ៨ម៉ែត្រ សាងសង់លើផ្លូវចាស់ប្រវែង ៩០០ម៉ែត្រ និងសាងសង់លើផ្លូវថ្មីប្រវែង ៩០០ម៉ែត្រ ។

 ក្រុមការងារត្រួតពិនិត្យ វាយតម្លៃឃើញថា ស្ថាបនាផ្លូវសាធារណៈនេះ ស្តិក្នុងដែននេសាទ ប៉ះពាល់ព្រៃលិចទឹក។ បច្ចុប្បន្ន ការស្ថាបនាផ្លូវនេះ ត្រូវបានផ្អាកជាបណ្តោះអាសន្នហើយ។