ថ្ងៃអង្គារ ១១កើន ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៧ ខែមីនា ឆ្នាំ២០១៨
ក្នុងបរិយាកាសសុខសន្តិភាពពេញ លេញដែលរកបានដោយលំបាក រាជ រដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋ មន្ត្រីនៃព្រះរាជាណាចក្រកម្ពុជា បានបន្តការគិតគូរជំរុញការអភិវឌ្ឍលើគ្រប់វិស័យ ដោះស្រាយរាល់ការលំបាករបស់ប្រជាពលរដ្ឋ បង្កើតការងារ បង្កើនប្រាក់ ចំណូល លើកស្ទួយជីវភាពគ្រួសារប្រជា ពលរដ្ឋ "
ប្រសាសន៍ឯកឧត្តម លី ឡេង អភិបាលនៃគណៈអភិបាល ខេត្តត្បូងឃ្មុំ ក្នុងពិធីប្រគល់ពូជស្រូវសែនក្រអូបនិងស្រូវផ្ការំដួល ចំនួន ៩៧តោន ដល់ប្រជាកសិករ ក្នុងសហគមន៍កសិ កម្មនាងទាវ ឃុំជីគរ ស្រុកត្បូងឃ្មុំ ១១៣គ្រួសារ សម្រាប់ដាំលើផ្ទៃដី ៦៥០ហិកតា នាព្រឹកថ្ងៃអង្គារ ១១កើត ខែចេត្រ ឆ្នាំរកា នព្វស័ក ពស ២៥៦១ នៅភូមិជាងសារ ឃុំជីគរ។
ពូជស្រូវប្រគល់ជូននេះមានតម្លៃ ៣ ០០០៛ក្នុងមួយគីឡូក្រាម ស្ថិតក្នុងទម្រង់ឧបត្ថម្ភធន ពីរាជរដ្ឋាភិបាលកម្ពុជា ដោយកសិករចំណាយតែ ១ ០០០៛ រាជរដ្ឋាភិបាល ចំណាយ ២ ០០០៛ ក្នុងមួយគីឡូក្រាម តាមរយៈគម្រោងជំរុញផលិតកម្មស្បៀង ដែលគ្រប់គ្រងគម្រោងដោយក្រសួងកសិកម្ម រុក្ខាប្រមាញ់ និងនេសាទ អនុវត្តដោយអគ្គនាយកដ្ឋានកសិកម្មនិងខេត្តចំនួន ១១ ដោយប្រើប្រាស់កញ្ចប់ថវិកាជាតិទាំងស្រុង ចំនួន ២០លានដុល្លា។
នេះជាការគិតគូរ យកចិត្តទុកដាក់ដល់ប្រជាកសិករ ពីសំណាក់សម្តេចតេជោ ហ៊ុន សែន ប្រមុខរាជរដ្ឋាភិបាល។
