ថ្ងៃសុក្រ ៧កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៣ ខែមីនា ឆ្នាំ២០១៨ នាយខណ្ឌរដ្ឋបាលជលផលត្បូងឃ្មុំ បានដឹកនាំមន្ត្រីខណ្ឌ ចុះភូមិចក សង្កាត់សួង ក្រុងសួង និងភូមិជប់ទី១ ឃុំជប់ ស្រុកត្បូងឃ្មុំដើម្បីពិនិត្យមើលស្រះជម្រកត្រីសហគមន៍ និងចុះភូមិប្ញស្សីប្រាំង ឃុំកំពង់ទ្រាស ស្រុកក្រូចឆ្មារ ពិនិត្យ និងប្រឹក្សាបច្ចេកទេសចិញ្ចឹមត្រីប្រាជាមួយ លោកសុក្រ ថា កសិករចិញ្ចឹមត្រីក្នុងបែរ។ កម្លាំងមន្ត្រីខណ្ឌរដ្ឋបាលជលផលត្បូងឃ្មុំ ចុះធ្វើការនៅចំណុចមាត់ព្រែកពាមជីលាំង ក្នុងភូមិសាស្ត្រឃុំកំពង់ទ្រាស ស្រុកក្រូចឆ្មារ សម្រេចបានចំនួន១ ករណី .រុះរើនិងបំផ្លាញសម្រាស់ចំនួន២ ដុំ ស្មើនិង៧៥ ម៉ែត្រក្រឡា។ ក្រុមគណៈកម្មការសហគមន៍សំបុកសត្វសែនជ័យ ឃុំទួលស្នួល ស្រុកក្រូចឆ្មារ បានចុះទៅចំណុចទួលចារ ភូមិទួលស្នួល ឃុំទួលស្នួល ឃើញមានការឈូសឆាយដីស្រែមួយកន្លែង មិនចូលក្នុងដែននេសាទឡើយ។