ថ្ងៃព្រហស្បិ៏ ៦កើត ខែ ចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២២ ខែមីនា ឆ្នាំ២០១៨

-លោក ស៊ុន សារ៉ាត់ អនុប្រធានមន្ទីរកសិកម្ម រុក្ខប្រមាញ់ និងនេសាទ
-លោក ហ៊ន់ រី មន្រ្តីការិយាល័យកសិឧស្សាហកម្ម
ចូលរួមប្រជុំបូកសរុបនៃការធ្វើអត្តសញ្ញាណកម្មដី ស្ថិតនៅឃុំទន្លូង និងបញ្ហាផ្សេង ក្រោម អធិបតីភាពឯឧត្តម សរ សុវណ្ណ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងមានការអញញើញចូលរួមពី ឯឧត្តម ហាក់ សុខមករា អភិបាលរង នៃគណៈអភិបាលខេត្ត និងអង្គភាពពាក់ព័ន្ធ ទទួលបានលទ្ធផលដូចខាងក្រោម:
១.អង្គប្រជុំ សូមឲ្យក្រុមការងារកំណត់អត្តសញ្ញាណដី ពិនិត្យលើចំនួនក្បាលដីឲ្យបានជាក់លាក់ ពីចំនួនក្បាលដីដែលបានផ្តល់ព័ត៌មាន តើមានប៉ុន្មាន? ប៉ុន្មានហិកតា? និងចំនួនក្បាលដីមិនបានផ្តល់ព័ត៌មានប៉ុន្មាន? ប៉ុន្មានហិកតា?
២.មន្ទីរកសិកម្ម រុក្ខាប្រមាញ់ និងនេសាទ ត្រូវកំណត់ព្រំប្រទល់របស់ក្រុមហ៊ុន ជាមួយការិ.ភូមិបាលស្រុកមេមត់ម្ដងទៀតឱ្យបានច្បាស់។ ហើយផ្ទៃដីទំហំ ២៥០ហិកតា ក្រុមការងារ សូមពិនិត្យមើល តើមានចំនួនក្បាលដី? ដែលក្នុងនោះទាំងដីដែលបានផ្ដល់ព័ត៌មាន និងដីដែលមិនបានផ្ដល់ព័ត៌មាន
៣.រដ្ឋបាលស្រុកត្រូវរាយការណ៍ជូនឯកឧត្តមទេសរដ្ឋមន្រ្តីក្រសួងរៀបចំដែនដីនគរោបនីយកម្ម សំនង់និងសុរិយោដី តាមរយៈឯកឧត្ដមអភិបាលនៃគណៈអភិបាលខេត្តនូវ:
២.១ ផ្ទៃដី ២៥០ហិកតា ឲ្យមានផ្លូវច្បាប់ដូចគ្នាទៅនឹងផ្ទៃដី ៩៥០ហិកតាឲ្យស្មើគ្នា
២.២ សុំសិទ្ធឲ្យខេត្តចាត់ចែងលើដី ២៥០ ហិកតា និង៩៥០ហិកតា នៅពេលតែមួយដើម្បីចៀសវាងការតវ៉ាដែលក្នុងនោះមន្ទីរកសិកម្ម រុក្ខាប្រមាញ់ និងនេសាទត្រូវរាយការណ៍ជូនទៅខេត្ត នូវរបាយការណ៍ប្រជុំជាមួយក្រុមហ៊ុននិងត្រូវរាយការណ៍ជូនក្រសួងកសិកម្ម រុក្ខាប្រមាញ់ និង នេសាទ ដោយចម្លងជូនរដ្ឋបាលស្រុកមេមត់ បន្ទាប់ពីមានចំណារឯកភាពលើរបាយការណ៍របស់មន្ទីរកសិកម្មពីឯឧត្តម អភិបាលនៃគណៈអភិបាលខេត្ត
៣.ធ្វើការបិទផ្សាយពីចំនួនអ្នកកាន់កាប់ក្បាលដី។